Քրեական հետախույզները մեքենաների կողային հայելիների գողություններ են բացահայտել
Ոստիկանության Մարաշի բաժանմունքի քրեական հետախույզները օգոստոսի 21-ին Բեյրութի փողոցից, գողություն կատարելու կասկածանքով, «ՇԿՈԴԱ» մակնիշի մեքենայով հանդերձ՝ Մարաշի բաժանմունք բերման են ենթարկել 40 տարեկան մի տղամարդու։ Այս մասին հայտնում են ՀՀ Ոստիկանությունից:
Նա մեքենայի բեռնախցիկից ներկայացրել է երեք պոլիէթիլենային տոպրակ, որոնցում մեքենաների կողային հայելիներ էին։
Նա հայտնել է, որ դրանք գողացել է հուլիսից օգոստոս ընկած ժամանակահատվածում՝ Երևան քաղաքի տարբեր վարչական շրջաններից:
Գողոնն առգրավված է:
Ձեռնարկվում են միջոցառումներ՝ տուժած անձանց հայտնաբերելու ուղղությամբ:
Մարաշի բաժանմունքի և Կենտրոնական բաժնի քրեական հետախույզների համատեղ ձեռնարկած միջոցառումների շնորհիվ պարզվել է, որ տղամարդը հուլիսին գողացել է Րաֆֆու փողոցի շենքերից մեկի բակում կայանված «Լեքսուսի» կողային հայելիները:
Տուժողից ընդունվել է հաղորդում:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախապատրաստվում են նյութեր:
Կարծիքներ