ԿԽՄԿ-ն Լեռնային Ղարաբաղում շարունակում է տեղում մնացած մարդկանց որոնումը. 3 անձ վերականգնել է կապը ընտանիքի հետ
ԿԽՄԿ-ն Լեռնային Ղարաբաղում շարունակում է դեռևս չտեղափոխված մարդկանց որոնումը, որոնց թվում են տարեցները, հիվանդ և հաշմանդամություն ունեցող անձինք։
Այս մասին ասված է կոմիտեի տարածած հաղորդագրության մեջ:
«Վերջին օրերին այցելությունների ընթացքում տրամադրել ենք սնունդ և հիգիենայի փաթեթներ, ինչպես նաև օգնել ենք երեք մարդկանց վերականգնել կապը ընտանիքի անդամների հետ։
Մարդկանց համար մեծ թեթևություն էր վերջապես խոսել իրենց հարազատների հետ, որոնք մինչ այդ պահը տեղեկություն չունեին իրենց գտնվելու վայրի մասին:
Այցելություններին մասնակցում են նաև մեր բժիշկները, որոնք գնահատել են խոցելի անձանց առողջական վիճակը՝ բժշկական կարիքները բավարարելու համար»։
Կարծիքներ