Կրասնոդարի երկրամասում հրդեհվել է էլեվատորի պահեստային շենքը
Կրասնոդարի երկրամասի Նովոպոկրովսկի շրջանի Կուբանսկի ավանում՝ էլեվատորի պահեստային շենքում, 2 հազար քառակուսի մետր տարածքում հրդեհ է բռնկվել: Այս մասին «ՌԻԱ Նովոստի»-ին հայտնել են ՌԴ ԱԻՆ մամուլի ծառայությունից:
Նշվում է, որ հրդեհի մարումը բարդացնում են ուժեղ քամին և չոր եղանակը: Հրշեջ-փրկարարական ստորաբաժանումները վերացնում են կրակը և փորձում կանխել հարակից շենքերի բռնկումը: Հրդեհաշիջման աշխատանքներում ներգրավված է 78 մարդ և 16 միավոր տեխնիկա:
Կարծիքներ