Շիրակի երկու համայնքներում կիրականացվեն փողոցային լուսավորության համակարգի կառուցման-նորոգման աշխատանքներ

Շիրակի մարզի երկու միավորված համայնքներում 2022 թվականի սուբվենցիոն ծրագրերով կիրականացվեն փողոցային լուսավորության համակարգի կառուցման-նորոգման աշխատանքներ։

Ծրագրերի ընդհանուր արժեքը 105.5 մլն դրամ է, գումարի 55 % կհամաֆինանսավորի կառավարությունը։ Կառուցվող-նորոգվող փողոցային լուսավորության համակարգի ընդհանուր երկարությունը կկազմի 14 կմ, իսկ լուսատուների և հենասյուների քանակը՝ 409։

Փողոցային լուսավորության համակարգի կառուցման-նորոգման աշխատանքներ կիրականացվեն Արթիկ համայնքի Արթիկ, Հայկասար, Հայրենյաց, Պեմզաշեն, Սարատակ, Վարդաքար, Տուֆաշեն, Արևշատ, Հովտաշեն և Գետափ բնակավայրերում (350 LED), Ամասիա համայնքի Բերդաշեն և Գառնառիճ բնակավայրերում (59 LED) ։