Ադրբեջանի ԶՈւ-ի կողմից Խնածախի ուղղությամբ կրակելու և բնակելի տան վնասման դեպքի առթիվ քրվարույթ է նախաձեռնվել

Ադրբեջանի ԶՈւ ստորաբաժանումների կողմից Սյունիքի մարզի Խնածախ բնակավայրի ուղղությամբ կրակելու և բնակելի տունը վնասելու դեպքի առթիվ նախաձեռնվել է քրեական վարույթ:

Այս մասին «Հայկական ժամանակ»-ին հայտնեցին ՀՀ քննչական կոմիտեից:

«Մարտի 31-ին տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի 44-155-րդ 2-րդ մասի 7-րդ եւ 15-րդ կետերով, 335-րդ հոդվածի 1-ին մասով: Նշանակվել է դատաձգաբանական և դատաապրանքագիտական փորձաքննություններ»,- հայտնեց ՔԿ մամուլի քարտուղար Կիմա Ավդալյանը:

Հիշեցնենք՝ մարտի 31-ին՝ ժամը 00:50-ի սահմաններում, Ադրբեջանի ԶՈւ ստորաբաժանումները կրակ էին բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տուն: