Բարսան համաձայնության է եկել Արսենալի հարձակվողի հետ․ անհրաժեշտ է, որ Դեմբելեն հեռանա

«Արսենալի» հարձակվող Պյեր-Էմերիկ Օբամեյանգը կարիերան կարող է շարունակել կատալոնական «Բարսելոնայում»։ Այս մասին հայտնում է լրագրող Ժերար Ռոմերով։

Աղբյուրի փոխանցմամբ, կապտանռնագույնները գաբոնցի ֆուտբոլիստի հետ համաձայնության են եկել վարձակալության շուրջ։ Այն նախատեսված կլինի մինչև ընթացիկ մրցաշրջանի ավարտը։ Օբամեյանգը կատալոնացիներին կմիանա, եթե հարձակվող Ուսման Դեմբելեն հեռանա «Բարսելոնայից»։

2021 թվականի դեկտեմբերի 14-ին Օբամեյանգը զրկվեց «Արսենալի» ավագի թևկապից։ Ակումբում որոշեցին նրա հանդեպ նման պատիժ կիրառել լրջագույն կարգապահական խախտման համար։

ԱՊԼ-ի ընթացիկ մրցաշրջանում Օբամեյանգը 14 հանդիպման է մասնակցել և դարձել է 4 գոլի և 1 գոլային փոխանցման հեղինակ։