Անչելոտի. Ռոնալդուն և Իբրահիմովիչն անմահ են
Անգլիական «Էվերտոնի» գլխավոր մարզիչ Կառլո Անչելոտին խոսել է Թուրինի «Յուվենտուսի» առաջատար Կրիշտիանու Ռոնալդուի և «Միլանի» առաջատար Զլատան Իբրահիմովիչի մասին:
«Երբ Իբրահիմովիչը տեղափոխվեց ԱՄՆ, ես մտածեցի, որ նա հրաժեշտ է տալիս մեծ ֆուտբոլին, սակայն նա այժմ «Միլանի» առաջատարն է և շարունակում է հիացնել իր ելույթներով:
Նույնը կարող եմ ասել նաև Ռոնալդուի մասին: Նա շարունակում է կայուն խաղ ցուցադրել և առաջ տանել թիմին իր ետևից:
Ռոնալդուն և Իբրահիմովիչն անմահ են: Այս ֆուտբոլիստները մեծանում են, բայց նրանց խաղի որակը դրանից չի տուժում»,- Անչելոտիի խոսքը փոխանցում է Football Italia-ն:
Կառլո Անչելոտին իր մարզչական կարիերայի ընթացքում աշխատել է թե՜ Ռոնալդուի, թե՜ Իբրահիմովիչի հետ:
Կարծիքներ