Բելառուսում սկսվել են խոշոր ձեռնարկությունների զանգվածային գործադուլներ

Բելառուսում համազգային ​​գործադուլ է սկսվել, Մինսկի և այլ քաղաքների ձեռնարկությունների աշխատողները մասսայաբար հեռանում են աշխատանքից:

Այդ մասին հայտնում է «Evropeyskaya Pravda»-ն՝ հղում անելով NEXTA_live Telegram ալիքին:

Սոցիալական ցանցերում զանգվածաբար հրապարակվում են իրենց աշխատատեղերը լքող և ձեռնարկությունների ղեկավարների հետ հանդիպումներ պահանջող մարդկանց տեսանյութերը:

«Մինսկի մարգարինի գործարանը մասսայաբար թողնում է աշխատանքը: Մարդիկ ծափահարում են, մեքենաները ազդանշաններ են միացնում», – ասվում է հաղորդագրություններից մեկում:

Հայտնի է նաև, որ Մինսկի էլեկտրատեխնիկական գործարանի և Բելառուսի Գիտությունների ազգային ակադեմիայի նոր նյութերի քիմիայի ինստիտուտի աշխատակիցները գործադուլ են հայտարարել Բելառուսի մայրաքաղաքում:

Ըստ ԶԼՄ-ների տեղեկությունների՝ Ժոդինոյի ԲելԱԶ գործարանի աշխատողները քննարկում են գործադուլի ձևաչափը և ձեռնարկության համար հատուկ պահանջները:

Ժաբինկայի շաքարի գործարանի աշխատողները զանգահարել են գործադիր կոմիտեի նախագահին՝ հայտարարելու գործադուլի սկսելու մասին:

«Գրոդնո Ազոտ» ձեռնարկության աշխատակիցները հայտարարել են, որ չեն ճանաչում ընտրությունների արդյունքները և նաև պատրաստվում են գործադուլ հայտարարել: