Թայվանի իշխանությունները ներել են կարանտինը խախտելու համար տղամարդու տուգանքը` պարզելով, որ նա առեւանգվել է

Թայվանի կառավարությունը չեղարկել է 3600 դոլարի տուգանքը կարանտինի կանոնները խախտած տղամարդու նկատմամբ, քանի որ նրան առեւանգել էին պարտքեր հավաքագրողները:

Ըստ Guardian-ի՝ Չեն ազգանունով տղամարդը հոկտեմբերին վերադարձել է Հոնկոնգից եւ սկսել է պարտադիր երկշաբաթյա կարանտինը ընկերոջ տանը:

Նրա մեկուսացումը կարճատեւ է եղել: Շուտով նրա մոտ են եկել պարտատերերը, որոնք Չենին շփոթել են ընկերոջ հետ, ով նրանց փող էր պարտք:

Պաշտոնատար անձինք հայտնել են, որ Չենի վրա հարձակվել եւ առեւանգել են: Թայվանի իշխանությունները Չենի տեղաշարժի մասին իմացել են հեռախոսային ազդանշանների էլեկտրոնային մոնիթորինգի միջոցով, որը կառավարությունն օգտագործում է կարանտինի պահպանումն ապահովելու համար:

Հաղորդվում է, որ պաշտոնյաները որոշել են չեղյալ հայտարարել տուգանքը այն բանից հետո, երբ քննիչները հաստատել են, որ Չենին առեւանգել են:

Այս քայլը կարելի է պատմական համարել, քանի որ Թայվանում առաջին անգամ է կարանտինային խիստ քաղաքականության հետ կապված տուգանքը չեղարկվել։

Անցյալ շաբաթ երկիրը կարանտինի քրոնիկ խախտողին ավելի քան 35 000 դոլարի տուգանել էր:

Համավարակի սկսվելուց հետո երկրում արձանագրվել է COVID-19-ից մահվան ընդամենը 8 դեպք: