Էկվադորի մայրաքաղաքում ջրհեղեղի զոհերի թիվը հասել է 23-ի

Առնվազն 23 մարդ է զոհվել Էկվադորի մայրաքաղաք Կիտոյում հզոր ջրհեղեղի հետևանքով, որը առաջացել է երկուշաբթի հորդառատ անձրևների հետևանքով։ ՏԱՍՍ-ի հաղորդմամբ՝ այս մասին երեքշաբթի օրը հայտնել է քաղաքային իշխանությունը։

«Առայժմ տուժել է 47 մարդ, 23-ը մահացել են, 15-ը անհետ կորել են», - գրել է կառավարությունը Twitter- ում ։ Ավելի վաղ հաղորդվում էր 18 զոհի մասին։ Նշվում է, որ քաղաքը եռօրյա սուգ է հայտարարել ջրհեղեղի զոհերի համար։

Երկուշաբթի օրը հարավամերիկյան երկրի մայրաքաղաքում հորդառատ անձրևներ են եղել, ինչի հետևանքով մի քանի խոշոր տրանսպորտային զարկերակներ հեղեղվել են։ Ցեխի հոսքերը վնասել են մի քանի շենքեր, խաթարվել է էլեկտրամատակարարումը։ Մայրաքաղաքի տուժած տարածքներում աշխատում են փրկարարները, տեխնիկական աշխատողները վերականգնում են էլեկտրաէներգիան և մաքրում փողոցները։