Ավտոմեքենան բախվել է հեղուկ գազի լիցքավորման կետին
Ճգնաժամային կառավարման ազգային կենտրոնը հունիսի 27-ին, ժամը 16։56-ին ահազանգ է ստացել, որ Էջմիածին-Երևան ավտոճանապարհին՝ Զվարթնոց թաղամասի մոտակայքում, տեղի է ունեցել ՃՏՊ. ավտոմեքենան բախվել է հեղուկ գազի լիցքավորման վահանակին, տուժածներ չկան:
Ինչպես տեղեկացրին ՀՀ արտակարգ իրավիճակների նախարարությունից, Դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ըստ աղբյուրի՝ պարզվել է, որ «BMW 318i» մակնիշի ավտոմեքենան (վարորդ` Գ. Մ.) բախվել է Զվարթնոցի խճուղու 4/4 հասցեում գտնվող հեղուկ գազի լիցքավորման կետին. տուժածներ չկան:
Փրկարարները հոսանքազրկել և փակել են գազի բալոնի փականը:
Կարծիքներ