«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել
Հունիսի 24-ին՝ ժամը 16:05-ի սահմաններում, Հայաստանի Հանրապետության արդարադատության նախարարության «Վանաձոր» քրեակատարողական հիմնարկի ծառայողները, իրացնելով օպերատիվ տվյալները, տեսահսկման համակարգի միջոցով նկատել են, որ տեսակցության եկած քաղաքացին կալանավորված անձին կասկածելի իր է փոխանցում:
Այս մասին տեղեկացնում է ՀՀ քրեակատարողական ծառայությունը:
Անմիջապես դադարեցնելով տեսակցությունը՝ ծառայողներն անձնական խուզարկության են ենթարկել կալանավորված անձին և նրա տաբատի գրպանից հայտնաբերել փաթեթ, որում առկա է եղել 9,1 գրամ քաշով սպիտակ, փոշենման զանգված:
Փաստի առթիվ նախապատրաստվել են նյութեր, նշանակվել է դատաքիմիական փորձաքննություն:
Կարծիքներ