Նոր Զելանդիայի վարչապետը Չինաստանին կոչ է արել դատապարտել Ռուսաստանին և օգնել լուծել Ուկրաինայում հակամարտությունը

Նոր Զելանդիայի վարչապետ Ջասինդա Արդերնը կարծում է, որ Չինաստանը պետք է դատապարտի Ռուսաստանի հատուկ ռազմական գործողությունն Ուկրաինայում և օգտագործի իր լիազորությունները հակամարտությունը լուծելու համար։ Այս դիրքորոշումը նա հայտարարել է երկուշաբթի օրը՝ ելույթ ունենալով Օքլենդում չինացի գործարարների մասնակցությամբ համաժողովում։

Կառավարության ղեկավարի խոսքով՝ իր երկիրը «կոչ է անում Չինաստանին հստակ հայտարարել, որ չի աջակցում» Ռուսաստանի գործողություններին և «օգտագործել իր ազդեցությունը՝ օգնելու դադարեցնել հակամարտությունը» Ուկրաինայում։ «Այս պատերազմի հետևանքները գլոբալ բնույթ են կրում և զգացվում են Եվրոպայի սահմաններից դուրս, ներառյալ այստեղ՝ Հնդկախաղաղօվկիանոսյան տարածաշրջանում, որի կայունությամբ մենք շահագրգռված ենք», - ասաց Արդերնը՝ հավելելով, որ «ամբողջ աշխարհի համար կորուստները կլինեն։

Նա կարծիք է հայտնել, որ ներկայումս «գործող միջազգային կանոնները, նորմերը և ինստիտուտները, որոնք օգուտ են տվել ժողովրդավարական երկրներին, վտանգի տակ են»։ «Քանի որ լարվածությունը աճում է և տարածաշրջանում նոր սպառնալիքներ են ի հայտ գալիս՝ Խաղաղ օվկիանոսում, Հարավչինական ծովում կամ Թայվանի նեղուցում, Նոր Զելանդիայի դիրքորոշումը մնում է անփոփոխ»,- ասաց նա է: