Սենեգալում մարզադաշտը կկոչեն Սադիո Մանեի անունով

Սենեգալում մարզադաշտերից մեկը կկոչվի ի պատիվ «Լիվերպուլի» և Սենեգալի հավաքականի հարձակվող Սադիո Մանեի։ Այս մասին հաղորդում է Armsport.am-ը՝ հղում անելով Daily Mail-ին։

 Մանեն ազգային թիմի կազմում դարձավ Աֆրիկայի ազգերի գավաթի հաղթող։ Նա մասնակցեց Սենեգալի հավաքականի բոլոր խաղերին՝ դառնալով 3 գոլի և 2 գոլային փոխանցման հեղինակ։ Եգիպտոսի հետ եզրափակիչ խաղի 7-րդ րոպեին Մանեն չկարողացավ իրացնել 11-մետրանոց հարվածը, բայց ուղղեց սխալը հետխաղյա 11-մետրանոցների ժամանակ՝ հաղթանակ բերելով իր թիմին։

Աղբյուրի տեղեկացմամբ՝ մարզադաշտը, որը կստանա Մանեի անունը, դեռևս կառուցման փուլում է ու բացումը կլինի հաջորդ տարի։ Այն գտնվում է Մանեի հարազատ քաղաքում՝ Սեդիուում։

Սենեգալը պատմության մեջ առաջին անգամ հաղթեց Աֆրիկայի Գավաթը։