Փոփոխություններն անհրաժեշտ են ակումբի շահերից ելնելով. «Ռոման»՝ Մոուրինյոյին գլխավոր մարզչի պաշտոնից հեռացնելու մասին

«Ռոման» հայտարարել է, որ գլխավոր մարզիչ Ժոզե Մոուրինյոն և նրա մարզչական շտաբը հեռանում են ակումբից։

«Մենք շնորհակալություն ենք հայտնում Ժոզեին իր ժամանումից ի վեր կրքի և նվիրվածության համար: Մենք միշտ հիանալի հիշողություններ կունենանք նրա աշխատանքից, բայց կարծում ենք, որ անհապաղ փոփոխություններն անհրաժեշտ են ակումբի լավագույն շահերից ելնելով: Մենք Ժոզեին և նրա անձնակազմին ամենայն բարիք ենք մաղթում ապագայում»,- սեփականատերեր Դեն և Ռայան Ֆրիդկինների խոսքերն է մեջբերել ակումբի կայքը։

Նրա ղեկավարությամբ «Ռոման» 2021-22 թթ. մրցաշրջանում նվաճել է Կոնֆերենցիաների լիգայի գավաթը, 2022-23 թթ․ մրցաշրջանում էլ հասել էր Եվրոպա լիգայի խաղարկության եզրափակիչ, որտեղ պարտվել էր Սևիլիային։

Իտալիայի առաջնության ընթացիկ մրցաշրջանում «Ռոման» 9-րդ տեղում է՝ 20 խաղում վաստակելով 29 միավոր։ Հունվարի 14-ին թիմը հյուրընկալվելիս 1։3 հաշվով պարտվեց Միլանին։

Մոուրինյոն աշխարհի ամենաշքանշանակիր մարզիչներից մեկն է: Նա հաղթել է Պորտուգալիայի (Պորտուի հետ), Անգլիայի (Չելսի), Իտալիայի (Ինտեր), Իսպանիայի (Ռեալի) առաջնություններում։ Որպես «Պորտուի» մարզիչ՝ նա հաղթել է Չեմպիոնների լիգան և ՈՒԵՖԱ-ի գավաթը։ Նա նաև գլխավորել է «Ինտերը» Չեմպիոնների լիգայում և «Մանչեսթեր Յունայթեդի» հետ նվաճել Եվրոպայի լիգայի գավաթը։