Ռումինիայում ՆԱՏՕ-ի զորավարժությունները հետաձգվել են ճանապարհների և կամուրջների վատ վիճակի պատճառով

ՆԱՏՕ-ի Dacian Spring 25 զորավարժությունները, որոնք պետք է անցկացվեին Ռումինիայում 2025 թվականի մայիսին, հետաձգվել է երկրում ճանապարհների և կամուրջների վատ վիճակի պատճառով։

Այս մասին հայտնում է ՏԱՍՍ-ը:

«10 ամսվա ընթացքում բանակը, արտաքին գործերի նախարարությունը և դաշինքի երեք երկրները մի քանի քաղաքապետարանների, ինչպես նաև զարգացման, հանրային աշխատանքների և կառավարման նախարարությանը խնդրել են վերանորոգել մի քանի ճանապարհներ և չորս կամուրջներ: Դրանք կենսական նշանակություն ունեն 2025 թվականի մայիսին ՆԱՏՕ-ի զորավարժությունների կազմակերպման համար»,- ասվում է փաստաթղթում։

Նյութը պարունակում է հատվածներ պաշտպանության նախարարության նամակներից, որտեղ նշվում է, որ ճանապարհները վերանորոգման կարիք ունեն՝ ծանր տեխնիկայի տեղաշարժը թույլ տալու համար: Տեղական իշխանությունները, ինչպես նշված է նյութում, պատասխանել են, որ իրենք ֆինանսավորման աղբյուրներ չունեն այս աշխատանքն իրականացնելու համար:

Գումարների հատկացման մասին կառավարության որոշումն ընդունվել է միայն 2025 թվականի հունվարի 31-ին։