Բայդենն ակնկալում է, որ Կոնգրեսը լրացուցիչ օգնություն կտրամադրի Ուկրաինային

ԱՄՆ նախագահ Ջո Բայդենն ակնկալում է, որ Կոնգրեսի հանրապետականները լրացուցիչ միջոցներ կտրամադրեն Ուկրաինային օգնելու համար։

«Ես լիովին ակնկալում եմ, որ [Ներկայացուցիչների պալատի նախագահ, հանրապետական Քևին Մաքքարթին] և Կոնգրեսի հանրապետական մեծամասնությունը կպահեն իրենց խոստումը, որպեսզի ապահովեն Ուկրաինային օգնություն հատկացնելու մասին օրինագծի ընդունումը», - մեջբերում են Սպիտակ տան մամուլի ֆոնդի լրագրողները։ 

Բայդենը շնորհակալություն է հայտնել Կոնգրեսին դաշնային կառավարության ֆինանսավորումը 45 օրով (մինչև նոյեմբերի 17-ը) երկարացնելու օրինագծի ընդունման համար, որը ֆինանսական օգնություն չի տրամադրում Ուկրաինային։ Միևնույն ժամանակ, նա հորդորեց օրենսդիրներին «չսպասել 44 օր»՝ համաձայնեցնելու 2024 ֆինանսական տարվա պետական բյուջեն, որը երկրում սկսվել է հոկտեմբերի 1-ին։