Գերմանիայի կառավարությունը՝ Շոլցի գլխավորությամբ, հրաժարական է տվել

Գերմանիայի կանցլեր Օլաֆ Շոլցը և նրա կառավարության նախարարները մարտի 25-ին Բունդեսթագի առաջին նիստից հետո նախագահ Ֆրանկ-Վալտեր Շտայնմայերից հրաժարականի մասին ծանուցումներ են ստացել: 

Գերմանական օրենսդրության համաձայն՝ նախկին կառավարությունը կշարունակի աշխատել մինչև նորի ձևավորումը։ Ապագա կանցլեր Ֆրիդրիխ Մերցը խոստանում է կաբինետի նոր կազմը ներկայացնել մինչև ապրիլի 20-ը։

Մարտի 8-ին Մերցը հայտարարել է Քրիստոնեա-դեմոկրատական միության (CDU), Քրիստոնեա-սոցիալական միության (CSU) և Գերմանիայի սոցիալ-դեմոկրատական կուսակցության (SPD) իշխող կոալիցիայի ձևավորման հաջող ավարտի մասին։

Նախօրեին ավարտվել է նոր կառավարության ձևավորման շուրջ կոալիցիոն բանակցությունների առաջին փուլը, որոնք վարում են ընտրություններում հաղթած Քրիստոնեա-դեմոկրատական միությունը և Քրիստոնեա-սոցիալական միությունը (CDU/CSU) և Սոցիալ-դեմոկրատները (SPD): ՔԴՄ առաջնորդ Ֆրիդրիխ Մերցը, ով հավակնում է կանցլերի պաշտոնին, խոստացել է կաբինետի նոր կազմը ներկայացնել մինչև ապրիլի 20-ը։ Գերմանիայի Դաշնային Հանրապետության Հիմնական օրենքի համաձայն՝ նախկին կառավարությունը կշարունակի իր լիազորություններն իրականացնել մինչև նորի ձևավորումը։

Գերմանիայում հաջորդ ընտրությունները նշանակված էին 2025 թվականի սեպտեմբերին, սակայն 2024 թվականի աշնանը բյուջեի քննարկումների ժամանակ տարաձայնություններ առաջացան իշխող «Ճանապարհային լուսացույց» կոալիցիայի կողմերի միջև, ինչը հանգեցրել է դրա փլուզմանը։ Նոյեմբերի 7-ին Շոլցը պաշտոնանկ է արել ֆինանսների նախարար Քրիստիան Լինդներին «Ազատ դեմոկրատներից» (FDP), և եռակուսակցական կաբինետը, որում ներառված էին նաև «Կանաչները», փլուզվել է: Սրանից հետո Շոլցը կառավարությանը վստահության խնդրանք է ուղարկել Բունդեսթագ:

Դեկտեմբերի 16-ին խորհրդարանն անվստահություն է հայտնել՝ ճանապարհ հարթելով արտահերթ ընտրությունների համար։

Ավելի վաղ հայտնի էր դարձել, որ SPD-ի ղեկավարությունը չի ցանկանում տեսնել Շոլցի թեկնածությունը Գերմանիայի կանցլերի պաշտոնում, ինչի պատճառով էլ 2024 թվականի նոյեմբերի 6-ին «Ճանապարհային լուսացույց» կոալիցիայի փլուզումից հետո ձեռնպահ են մնացել նրան առաջադրելուց։ Ինքը՝ Շոլցը, ասել է, որ կանցլեր լինելուց հետո կհեռանա քաղաքականությունից։