Թուրքիայում ավտոբուսի վթարի հետևանքով ռուս զբոսաշրջիկ է մահացել, կա ևս 26 տուժած
Թուրքիայում տեղի ունեցած ՃՏՊ-ի հետևանքով մահացել է մեկ զբոսաշրջիկ, կա 26 տուժած: Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին հայտնել է Անթալիայի գլխավոր հյուպատոսության ներկայացուցիչը:
«Ապրիլի 10-ին, տեղի ժամանակով ժամը 09:30-ին, Կոնյա-Ակսարայ մայրուղում ավտոբուսի մասնակցությամբ ճանապարհատրանսպորտային պատահար է տեղի ունեցել: Ավտոբուսը Կապադովկիա էր տեղափոխում 32 ռուս զբոսաշրջիկից կազմված խումբը, ովքեր գտնվում էին Անթալիայում»,- նշել են հյուպատոսությունից:
Նախնական տվյալներով ավտոբուսի վարորդը կորցրել է ղեկի կառավարումը՝ եղանակային պայմանների պատճառով առաջացած մերկասառույցի հետևանքով:
Տուժածները անմիջապես հասցվել են մոտակա բժշկական կենտրոններ, նրանց ցուցաբերվել է բժշկական օգնություն:
Կարծիքներ