Ստոկհոլմում ԵԱՀԿ Նախարարների խորհրդի նիստի 15 մասնակից վարակվել է կորոնավիրուսով

Ստոկհոլմում ԵԱՀԿ Նախարարների խորհրդի (CFM) հանդիպմանը մասնակցող ինը երկրներից տասնհինգ հոգու մոտ COVID-19-ի թեստը դրական է եղել միջոցառումից հետո: ՏԱՍՍ-ի փոխանցմամբ՝ այդ մասին հաղորդել է Dagens Nyheter թերթը՝ հղում անելով Շվեդիայի արտաքին գործերի նախարարությանը :

Միջոցառման ընթացքում մասնակիցները հնարավորություն ունեցան անցնելու ՊՇՌ թեստավորում, հանդիպումը կազմակերպվել էր առողջապահության վարչության առաջարկությունների համաձայն։

Ֆինլանդիայի արտաքին գործերի նախարար Պեկկա Հաավիստոյի մոտ COVID-19-ի թեստը դրական է եղել։ Դեկտեմբերի 2-3-ը Ստոկհոլմում կայացած հանդիպմանը մասնակցել են ավելի քան 50 արտգործնախարարներ, այդ թվում՝ Ռուսաստանի, ԱՄՆ-ի և Մեծ Բրիտանիայի։

CFM-ը ԵԱՀԿ-ի կենտրոնական որոշումներ կայացնող մարմինն է: Ժողովը գումարվում է տարին մեկ անգամ երկրի՝ կազմակերպության նախագահի կողմից։ ԵԱՀԿ-ում նախագահությունը 2022 թվականի հունվարի 1-ից կանցնի Լեհաստանի արտգործնախարար Զբիգնև Ռաուին։