Կրասնոյարսկում երկու դեռահաս աղջիկ է անհետացել

Ոստիկանությունը փնտրում է Կրասնոյարսկում անհետացած երկու աղջիկների, որոնցից մեկը կինոթատրոն այցելելուց հետո տուն էր գնում: Այս մասին գրում է ՏԱՍՍ-ը՝ հղում անելով Ներքին գործերի նախարարության տարածքային շտաբի մամուլի ծառայությանը:

«Մարզկենտրոնի Լենինսկի շրջանի բնակչից հաղորդագրություն է ստացվել, որ իր 16-ամյա խորթ դուստրը հոկտեմբերի 23-ին, ժամը 21:00-ի սահմաններում ասել է, որ դուրս է եկել քաղաքի կենտրոնում գտնվող կինոթատրոնից, նստել տաքսի և տուն է գնում, որից հետո նրա հեռախոսն անհասանելի է դարձել և դեռևս անհայտ է նրա գտնվելու վայրը»,- հայտնել են ՆԳՆ գլխավոր վարչությունից։

Երկրորդ դեպքում 13-ամյա երեխան շաբաթ օրը դուրս է եկել շրջկենտրոնի Լենինյան թաղամասի իր տնից ու չի վերադարձել։

Ոստիկանության տվյալներով՝ անհետացման երկու դեպքերը միմյանց հետ կապ չունեն:

Անմիջապես ստեղծվել են որոնողական խմբեր, որոնց թվում են անչափահասների տեսուչները, քրեական հետախուզության աշխատակիցները, շրջանային կոմիսարները և ոստիկանության պարեկային ծառայության աշխատակիցները: