Շուրջ 800 զինծառայող, այդ թվում՝ Հայաստանի, կմասնակցի ՀԱՊԿ «Անխախտ եղբայրություն» զորավարժություններին

Վեց երկրի շուրջ 800 զինծառայող կմասնակցի ՀԱՊԿ խաղաղապահ ուժերի «Անխախտ եղբայրություն -2021» զորավարժություններին, որոնք կանցկացվեն նոյեմբերին Կազանում,այս մասին Ռիա Նովոստիի փոխանցմամբ՝ հաղորդել է Կենտրոնական ռազմական օկրուգի մամուլի ծառայությունը:

Ըստ մամուլի ծառայության, Կազանի բարձրագույն տանկային հրամանատարական դպրոցում Հավաքական անվտանգության պայմանագրի կազմակերպության մասնակից երկրների ներկայացուցիչների շտաբային վերջին բանակցություններն ավարտվել են՝ նախապատրաստվելով ՀԱՊԿ խաղաղապահ ուժերի« Անխախտ եղբայրություն -2021 »համատեղ զորավարժությանը, որը նոյեմբերին կանցկացվի ռազմական համալսարանի ուսումնական զորավարժարանում:

«Հայաստանի, Բելառուսի, Զազախստանի, Ղղզստանի, Ռուսաստանի և Տաջիկստանի ռազմական պատվիրակությունները նախօրեին իրականացրել են  վայրի հետախուզություն, որոշել են  զորավարժություններին մասնակցող ուժերի և միջոցների կազմը: Այսպիսով, ընդհանուր առմամբ , շուրջ 800 զինծառայող կմասնակցի համատեղ գործողություններին », – ասված է հաղորդագրության մեջ:

Զորավարժություններին ներգրավված են  նաև Ռուսաստանի զինված ուժերի 90 միավոր տեխնիկա, այդ թվում՝ երկու «Ми-24» և «Ми-8» ուղղաթիռ, «Су-24» և «Су-34» ինքնաթիռներ: Զորավարժություններին կմասնակցեն նաև ՀԱՊԿ անդամ երկրների այլ նախարարությունների ու գերատեսչությունների ներկայացուցիչներ: