Ռուսաստանում հետաքննություն է սկսվել կրկեսային ներկայացման ժամանակ նացիստական համազգեստով կապիկի ելույթից հետո

Ռուսաստանում հետաքննություն է սկսվել կրկեսային ներկայացման ժամանակ նացիստական համազգեստով կապիկի ելույթից հետո

Ռուսաստանում հետաքննություն է սկսվել պետական կրկեսում նացիստական համազգեստով կապիկի ելույթից հետո:

Ինչպես փոխանցում է BBC News-ը, կրկեսային ներկայացման մեջ հանդես են եկել նաև նացիստական դրոշով փաթաթված այծեր: Ներկայացումը ցուցադրվել է Իժևսկ քաղաքի «Ուդմուրտիա» կրկեսում հունվարի ութին:  

Նշվում է, որ ներկայացումը պատրաստվել է Ռուսական Ուղղափառ եկեղեցու պատվերով, որի խոսքով՝ շոուն խորհրդանշում էր նացիզմից «հրաժարումը»:

Հետաքննությամբ զբաղվող դատախազները հայտարարել են, որ ներկայացման մասին տեղեկացել են, երբ որոնումներ են կատարել համացանցում, որից հետո էլ սկսել են գործի քննությունը:

ՌԴ պետական օրենքն արգելում է նացիստական խորհրդանիշների ցուցադրումը հանրության մեջ:

Հետևեք մեզ նաև Տելեգրամում