Սոմալիում պայթյուն է որոտացել. կան զոհեր
Սոմալիի մայրաքաղաք Մոգադիշոյում նոյեմբերի 25-ի առավոտյան պայթյուն է որոտացել։ Զոհվել է հինգ, վիրավորվել՝ 23 մարդ։ Այս մասին հայտնում են AFP-ն և Reuters-ը։
Հզոր պայթյունից փլուզվել են մոտակայքում գտնվող դպրոցի և հիվանդանոցի պատերը։ Բացի այդ, վնասվել են տարածքում գտնվող մեքենաները։
Ականատեսները պատմում են, որ պայթյունից հետո կրակոցներ են լսվել։
Ռազմական գործողությունների գծով պատասխանատու Աբդիաս Աբու Մուսաբի խոսքերով՝ ահաբեկիչների թիրախը եղել է ոչ թե դպրոցը, այլ ՄԱԿ-ի մեքենաների շարասյունը։
Պայթյունի մեղավորը «Ալ Քաիդայի» հետ կապ ունեցող «Ալ Շաբաբ» իսլամիստական խմբավորումն է:
Ալ-Շաբաբը հակադրվում է Սոմալիի կենտրոնական կառավարությանը և ցանկանում է շարիաթի վրա հիմնված սեփական իշխանություն հաստատել: Խումբը հաճախակի է պայթյուններ ու զենքերով հարձակումներ իրականացնում։
Կարծիքներ