Թայվանում մեկ շաբաթվա ընթացքում թայֆունի երկրորդ հարվածն է սպասվում

Այս շաբաթ երկրորդ անգամ «Հայկուի» թայֆունը կիրակի օրը հարվածելու է Թայվանի արևելյան ափին։ Այս մասին հայտնել է կղզու կենտրոնական օդերեւութաբանական բյուրոն ։

Նրա խոսքով՝ թայֆունի կենտրոնը կեսօրից հետո կհարվածի Տայտունգ շրջանի ափերին։ Ներկայումս այն գտնվում է ափից 140 կմ հեռավորության վրա։ Նրա ներսում քամու պոռթկումների արագությունը հասնում է 50 մ/վրկ-ի։

Եղանակի կանխատեսումների համաձայն՝ Տայտունգ և Հուալիեն գավառներում առաջիկա մի քանի օրվա ընթացքում տեղումների քանակը կկազմի 400-ից 700 մմ, իսկ որոշ լեռնային շրջաններում այդ ցուցանիշը կարող է հասնել 900 մմ-ի։

Կղզու կենտրոնական լրատվական գործակալությունը հաղորդում է, որ Հուալիեն, Թայթունգ, Չայայի, Պինգթունգ, Տայնան և Կաոհսյուն շրջանները մասամբ չեղարկել են դասերը դպրոցներում և նախադպրոցական հաստատություններում: Հուալիեն շրջանի իշխանությունները վտանգավոր լեռնային շրջաններից տարհանել են 4400 բնակիչների։ Թայվանի զինվորականները հայտնել են, որ տեղակայելու են 19000 զինվորական՝ ծանր տեխնիկայով, որպեսզի օգնեն տեղի բնակչությանը: