ՄԱԳԱՏԷ-ն բժիշկներ է ուղարկել Ուկրաինայի ատոմակայաններ

ՄԱԳԱՏԷ-ն բժիշկներ է ուղարկել Ուկրաինայի ատոմակայաններ

Ատոմային էներգիայի միջազգային գործակալությունը (ՄԱԳԱՏԷ) մասնագետներ է ուղարկել Ուկրաինայի ատոմակայաններ՝ դրանց անձնակազմին բժշկական օգնություն ցուցաբերելու ծրագրի շրջանակներում: «Արմենպրես»-ի փոխանցմամբ՝ այդ մասին Twitter-ի իր էջում գրել է գործակալության գլխավոր տնօրեն Ռաֆայել Գրոսին։

«ՄԱԳԱՏԷ-ի փորձագետներն այժմ ուղևորվում են Ուկրաինայի մի շարք ատոմակայաններ՝ անհրաժեշտ բժշկական սարքավորումներ և  օգնություն տրամադրելու համար», - հայտնել է Գրոսին։

Ապրիլին ՄԱԳԱՏԷ-ի ղեկավարն Ուկրաինայի նախագահ Վլադիմիր Զելենսկիին հայտնել էր Ուկրաինայի բոլոր ատոմակայանների աշխատակիցներին բժշկական օգնություն ցուցաբերելու ծրագրի ստեղծման պլանների մասին:

Հետևեք մեզ նաև Տելեգրամում