Չինաստանում ավտոբուսի վթարի հետևանքով ութ մարդ է զոհվել
Առնվազն ութ մարդ է զոհվել, ևս ութը՝ վիրավորվել արևելյան Անհույ նահանգում ավտոբուսի վթարի հետևանքով։ ՏԱՍՍ-ի հաղորդմամբ՝ այս մասին հայտնել է «Սինհուա» լրատվական գործակալությունը՝ վկայակոչելով տեղական իշխանություններին։
Գործակալության տվյալներով՝ միջադեպը տեղի է ունեցել երկուշաբթի՝ ժամը 22:11-ին, երբ Մաանշան քաղաքի տարածքում բախվել են ավտոբուսն ու բեռնատարը։
Բոլոր տուժածները հոսպիտալացվել են։ Բախման պատճառները պարզվում են։
Կարծիքներ