Քաբուլում թալիբների մեքենա է պայթել
Քաբուլում իրենց պատկանող ավտոմեքենայի պայթյունի հետևանքով վիրավորվել են «Թալիբան» արմատական շարժման առնվազն երկու զինյալ։ ՏԱՍՍ-ի հաղորդմամբ՝ այս մասին հայտնում է աֆղանական Aamaj News գործակալությունը՝ վկայակոչելով թալիբների գլխավորած ներքին գործերի նախարարության հայտարարությունը։
Նախարարության տվյալներով՝ միջադեպը տեղի է ունեցել երկուշաբթի օրը Աֆղանստանի մայրաքաղաքի Գոլ-է Սորխ շրջանի խաչմերուկներից մեկում։ Արմատականների մեքենան բախվել է ճանապարհին տեղադրված ականին։
Միջադեպի վերաբերյալ լրացուցիչ մանրամասներ չեն հաղորդվում։
Կարծիքներ