Թուրքիայում միկրոավտոբուսի հետ վթարի հետևանքով առնվազն 14 մարդ է տուժել
Թուրքիայի արևելյան Շանլըուրֆա նահանգում քարշակի և միկրոավտոբուսի բախման հետևանքով առնվազն 14 մարդ, այդ թվում՝ մի քանի երեխա, տարբեր ծանրության վնասվածքներ է ստացել։ ՏԱՍՍ-ի փոխանցմամբ՝ այս մասին չորեքշաբթի հայտնել է Habertürk հեռուստաալիքը ։
Վթարը տեղի է ունեցել Թուրքիայի Շանլըուրֆա և Աքչաքալե քաղաքները միացնող մայրուղու վրա։ Նախնական տվյալներով՝ քարշակը հետևից բախվել է միկրոավտոբուսին, ինչի հետևանքով երկու մեքենաներն էլ ընկել են ճամփեզրի ձորը։
Նշվում է, որ ճանապարհատրանսպորտային պատահարի բոլոր տուժածները հոսպիտալացվել են։
Կարծիքներ