Մահացել է գրող Ուիլբուր Սմիթը
Քեյփթաունում 88 տարեկան հասակում մահացել է հարավաֆրիկացի գրող Ուիլբուր Սմիթը, որը բազմաթիվ պատմական և արկածային վեպերի հեղինակ է։ Այս մասին հաղորդում է ՏԱՍՍ-ը՝ հղում անելով հեղինակի պաշտոնական կայքին։
«Աշխարհահռչակ բեսթսելլերների հեղինակ Ուիլբուր Սմիթը անսպասելիորեն մահացել է այսօր կեսօրին Քեյփթաունի իր տանը»,- ասվում է զեկույցում։ Նաև նշվում է, որ Սմիթն իր վերջին ժամերն անցկացրել է կարդալով և աշխատելով:
Ամբողջ աշխարհում վաճառվել է նրա վեպերի ավելի քան 140 միլիոն օրինակ՝ թարգմանված երեսուն լեզուներով։
Ուիլբուր Սմիթը ծնվել է 1933 թվականի հունվարի 9-ին Հյուսիսային Ռոդեզիայում (Զամբիա), Անգլիայից ներգաղթյալների ընտանիքում։ Նա ստացել է իր անունը ի պատիվ Ուիլբուր Ռայթի՝ Ռայթ եղբայրներից ավագի։
Կարծիքներ