ԵՄ երկրները դեմ են արտահայտվել ուկրաինական հացահատիկի ներկրման արգելքի երկարաձգմանը

ԵՄ անդամ 22 երկրների մշտական ներկայացուցիչներ դեմ են արտահայտվել Ուկրաինայից ուկրաինական հացահատիկի և գյուղատնտեսական այլ ապրանքների ներմուծման արգելքի երկարաձգմանը։ Այս մասին հայտնում է Politico թերթը ՝ վկայակոչելով չորս եվրոպացի դիվանագետների։

Արգելքի ժամկետը լրանում է սեպտեմբերի 15-ին, սակայն Կենտրոնական Եվրոպայի հինգ երկրներ (Բուլղարիա, Հունգարիա, Լեհաստան, Ռումինիա և Սլովակիա) պնդում են երկարաձգել այն առնվազն մինչև տարեվերջ։

Դիվանագետներից մեկի խոսքով՝ չորեքշաբթի իրենց հանդիպմանը ԵՄ 22 երկրների դեսպանները դեմ են արտահայտվել Կենտրոնական Եվրոպայի երկրների առաջարկին կամ թերահավատորեն են վերաբերվել դրան։ Արգելքի երկարաձգման նկատմամբ ամենաքննադատական վերաբերմունք են ցուցաբերել Ֆրանսիան և Գերմանիան։