SpaceX-ը ուղեծիր է ուղարկել 53 նոր արբանյակ

Իլոն Մասկի կողմից հիմնադրված SpaceX- ը ուղեծիր է ուղարկել 53 նոր Starlink արբանյակ: Газета-ի փոխանցմամբ՝ այս մասին հաղորդվում է ընկերության  Twitter-ի էջում ։

Starlink արբանյակների թիվը ներկայումս կազմում է 1842 տիեզերանավ։ Վերջին խմբաքանակը ուղեծիր է դուրս բերվել Falcon 9 հրթիռային մեքենայով, որը արձակվել է ԱՄՆ Ֆլորիդա նահանգի Կանավերալ հրվանդանի տիեզերակայանից:

Սա արբանյակների 32-րդ արձակումն է ուղեծիր, նախորդը տեղի է ունեցել սեպտեմբերի 13-ին, արձակվել է 51 տիեզերանավ։

Ավելի վաղ վերլուծաբան Ադամ Ջոնասը հայտարարել էր, որ Մասկը կարող է դառնալ աշխարհի առաջին տրիլիոնատերը SpaceX-ի շնորհիվ: Այսօր ամերիկացի գործարարի կարողությունը գնահատվում է 241,4 մլրդ դոլար, իսկ SpaceX-ի մասնաբաժինը դրանում կազմում է մոտ 17%։