Վահան Բիչախչյանը գոլային փոխանցման հեղինակ է դարձել «Սերեդ»-«Ժիլինա» խաղում
Սլովակիայի առաջնության 12-րդ տուրում «Ժիլինան» մրցակցի հարկի տակ 1-1 է խաղացել «Սերեդի» հետ: Դաշտի տերերը խաղի հաշիվը բացել են հենց առաջին րոպեին: «Ժիլինան» պատասխան գոլը խփել է 23-րդ րոպեին։ Հայաստանի հավաքականի կիսապաշտպան Վահան Բիչախչյանի փոխանցումից հետո աչքի է ընկել Յան Մինարիկը։
37-րդ րոպեին կարմիր քարտ է ստացել «Սերեդի» պաշտպան Ադամ Մորոնգը։ Սակայն «Ժիլինան» մնացած ժամանակում չի կարողացել օգտագործել թվային առավելությունը։ Վահան Բիչախչյանը խաղացել է առանց փոխարինման:
12-րդ տուրից հետո «Ժիլինան» 15 միավորով 6-րդն է, «Սերեդն» ունի 13 միավոր և 9-րդն է։
Կարծիքներ