Ովքե՞ր են սեղանի թենիսի Հայաստանի առաջնության մրցանակակիրներն ու հաղթողները
Հայաստանի սեղանի թենիսի ֆեդերացիայի մարզադահլիճում կայացել է մարզաձևի Հայաստանի առաջնությունը:
Տղաների մրցաշարի եզրափակչում Հարություն Հարությունյանը առավելության է հասել Հայաստանի բազմակի չեմպիոն Մեսրոպ Ղուկասյանի նկատմամբ՝ առաջին անգամ նվաճելով Հայաստանի չեմպիոնի կոչումը: Բրոնզե մեդալակիր է դարձել Գևորգ Աբրահամյանը:
Աղջիկների պայքարում Հայաստանի չեմպիոնի կոչումը նվաճել է Հասմիկ Խաչատրյանը, որը եզրափակչում 4:1 հաշվով հաղթել է նախորդ տարվա չեմպիոն Ռուբինա Վարդանյանին: 3-րդ տեղը գրավել է Էլեն Բախչաջյանը:
Աղջիկների զուգախաղերում առաջին տեղը գրավել է Հասմիկ Մաթևոսյան-Մերի Հովհաննիսյան զույգը, իսկ տղաների զուգախաղերում հաղթող է ճանաչվել Հարություն Հարությունյան-Գևորգ Աբրահամյան զույգը:
Կարծիքներ