Ավտովթար՝ «Նաիրի» կինոթատրոնի դիմաց. վթարված ավտոմեքենաներից մեկը պատկանում է լեգենդար հայ ֆուտբոլիստին

Երեւանում այսօր՝ ապրիլի 18-ին՝ ժամը 15:30-ի սահմաններում, Lexus IՏ 250  մակնիշի ավտոմեքենան Մաշտոցի պողոտայում՝ «Նաիրի» կինոթատրոնի  դիմաց,  բախվել է Nissan Tiida եւ Toyota Ipsum մակնիշի ավտոմեքենաներին։ Այս մասին հաղորդում է shamshyan.com-ը։

Վթարի հետեւանքով  2 քաղաքացու մարմնական վնասվածքներով տեղափոխել են թիվ 1 համալսարանական հիվանդանոց: 

Բախումից հետո Toyota-ն առաջ է ընթացել եւ բախվել ճանապարհի թույլատրելի հատվածում կայանված  Toyota Corolla եւ KIA  մակնիշի ավտոմեքենաներին: 

Ոստիկանությունը պարզում  է վարորդների եւ վիրավորների ինքնությունը: 

Կայքի տեղեկություններով՝ ճանապարհի թույլատրելի հատվածում կայանված  Toyota-ն պատկանում է Արարատ 73 լեգենդար ֆուտբոլային թիմի լեգենդար ֆուտբոլիստ Սամվել Ղասաբօղլյանին: