Հրապարակվել է ամենաթանկ երիտասարդ ֆուտբոլիստների տասնյակը

Մարզական հետազոտությունների միջազգային կենտրոնը (CIES) հրապարակել է Անգլիայի, Իսպանիայի, Իտալիայի, Գերմանիայի և Ֆրանսիայի առաջնություններում հանդես եկող ամենաթանկ տրանսֆերային արժեքն ունեցող մինչև 23 տարեկան ֆուտբոլիստների տասնյակը։

Առաջին երեք տեղը 150 միլիոն եվրոյով բաժանում են Դորտմունդի «Բորուսիայի» հարձակվող Էրլինգ Հոլանդը, Մադրիդի «Ռեալի» հարձակվող Վինիսիուս Ժունիորը և «Մանչեսթեր Սիթիի» կիսապաշտպան Ֆիլ Ֆոդենը։

Հաջորդ տեղերում են «Մանչեսթեր Յունայթեդի» խաղացողներ Մեյսոն Գրինվուդը (140 միլիոն եվրո) ու Ջեյդոն Սանչոն (130 միլիոն եվրո), Ֆերան Տորեսը (120 միլիոն եվրո, «Մանչեսթեր Սիթի»), Ժոաու Ֆելիշը (100 միլիոն եվրո, «Աթլետիկո Մադրիդ»), Կիլիան Մբապեն (80 միլիոն եվրո, ՊՍԺ), Մուսա Դիաբին (80 միլիոն եվրո, «Բայեր») և Իերեմի Պինոն (80 միլիոն եվրո, «Վիլյառեալ»)։