Կոտայքի մարզում անասնագոմ և պահեստավորված 380 հակ անասնակեր է այրվել
Սեպտեմբերի 18-ին, ժամը 18:06-ին Կոտայքի մարզային ճգնաժամային կառավարման կենտրոն ահազանգ է ստացվել, որ Կարենիս գյուղի Վ․ Մնացականյան փողոցի 1-ին նրբանցքի տներից մեկի բակում այրվում է անասնագոմ։
ԱԻՆ-ից հայտնում են, որ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Հրդեհը մեկուսացվել է ժամը 19:52-ին, մարվել՝ 22:15-ին: Այրվել են անասնագոմի փայտե կառուցատարրերը (մոտ 300 քմ) և պահեստավորած 380 հակ անասնակեր։
Կարծիքներ