Չելսիի ֆուտբոլիստը մոտ է ակումբային գրանցումը փոխելուն

«Մանչեսթեր Սիթին» համաձայնեցրել է «Չելսիի» կիսապաշտպան Մատեո Կովաչիչի պայմանագրի պայմանները։ Armsport.am-ի հաղորդմամբ՝ հայտնում է լրագրող Ֆաբրիցիո Ռոմանոն։

Ինքը՝ Մատեոն, ցանկանում է միանալ «քաղաքաբնակներին»։ Այժմ «Մանչեսթեր Սիթին» պետք է լոնդոնցիների հետ համաձայնեցնի տրանսֆերի գումարը։

Նշվում է, որ «արիստոկրատները» պատրաստ են բաց թողնել կիսապաշտպանին, սակայն ակումբների միջև բանակցությունները տեղի կունենան Չեմպիոնների լիգայի եզրափակչից հետո։

Այս մրցաշրջանում 29-ամյա Կովաչիչը «Չելսիի» կազմում անցկացրել է 37 հանդիպում՝ դառնալով 2 գոլի և 2 գոլային փոխանցման հեղինակ։

Չեմպիոնների լիգայի եզրափակիչ «Մանչեսթեր Սիթի»-«Ինտեր» հանդիպումը կկայանա հունիսի 10-ին։