Եմենում պայթյունի հետևանքով 5 մարդ է զոհվել

Հինգ մարդ զոհվել է Եմենի հարավում գտնվող Ադեն քաղաքում տեղի ունեցած պայթյունի հետեւանքով: ՏԱՍՍ-ի հաղորդմամբ՝ այս մասին հայտնել է Al Arabiya հեռուստաալիքը :

Քաթարյան  Al Jazeera հեռուստաալիքը ավելի  վաղ հայտնել էր, որ առնվազն չորս մարդ է զոհվել:

Ինչպես հայտնում է Al Arabiya- ն, բոլոր սպանվածները խաղաղ բնակիչներ են: Պայթյունի հետևանքով վիրավորվել է ևս 5 մարդ:

Ադենի կենտրոնում գտնվող Էթ-Թավահի շրջանում ականապատ մեքենա է պայթեցվել: Հեռուստաալիքի տվյալներով ՝ պայթյունն ուղղված է եղել ավտոմեքենաների ավտոշարասյան վրա, որում եղել են քաղաքային իշխանությունների ներկայացուցիչները:

Պայթյունի նպատակը, ինչպես նշել է հեռուստաալիքը, եղել է Ադենի վարչակազմի ղեկավարը, որը եղել է մեքենաներից մեկում: Նրանից բացի, կորտեժում էր Եմենի գյուղատնտեսության նախարարը: Ոչ քաղաքի ղեկավարը, ոչ նախարարը չեն տուժել: