ԱՀԿ-ն կորոնավիրուսը չի համարում սեզոնային հիվանդություն

Առողջապահության համաշխարհային կազմակերպությունը (ԱՀԿ) որևէ ցուցում չունի, որ նոր կորոնավիրուսային հիվանդությունը սեզոնային է: Այս մասին երկուշաբթի օրը հայտարարել է կազմակերպության փորձագետ Մարիա վան Կերկովեն, փոխանցում է «ՏԱՍՍ»-ը։

«Ամեն օր այս վիրուսի մասին նոր բան ենք սովորում։ Վիրուսը ոչ մի տեղ չի գնացել, և չկա որևէ ցուցիչ այն մասին, որ այն սեզոնային է։ Այն շարունակում է շրջանառվել, և բնակչության մեծամասնությունը շարունակում է մնալ խոցելի: Հետևաբար, մենք պետք է ամեն ինչ անենք, որպեսզի կանխենք վարակը»,- ասել է Կերկովեն:

Հաշվի առնելով այս փաստը ՝ վան Կերկովեն մարդկանց հորդորել է հետևել կառավարությունների առաջարկություններին, ինչպես նաև ձեռնարկել ինքնուրույն միջոցներ ռիսկերը նվազեցնելու ուղղությամբ:

«Եթե ձեզ խնդրում են մնալ տանը, մնացեք: Եթե ձեզ խնդրում են դիմակներ կրել տրանսպորտում և խանութում, հագեք դրանք»,- նշել է նա։