Ցանկացած խախտմանը կհաջորդի հստակ իրավական հետևանք․ Նազելի Բաղդասարյանի հանձնարարականով վաղվանից այցեր կլինեն ՊՈԱԿ-ներ
Քաղաքացիների հետ հանդիպումների ընթացքում հնչեցրած բողոքները վկայում են որոշ բուժհաստատություններում անձնակազմի աշխատանքային ժամերին ոչ պատշաճ ներկայանալու մասին։
Այս մասին «Ֆեյսբուք»-ի իր էջում գրել է Շիրակի մարզպետ Նազելի Բաղդասարյանն ու նշել, որ նման դեպքի վերջերս անձամբ է ականատես եղել։
Մարզպետի գրառման մեջ նաև ասված է․
«Նաեւ իմ անձնական ուսումնասիրությունները փաստել են, որ ենթակա մի քանի ՊՈԱԿ-ների հաստիքացուցակներում առկա են աշխատակիցների անհամապատասխանություններ։
Վերոգրյալից ելնելով՝ վաղվանից իմ հանձնարարականով մարզպետարանի աշխատակիցներից կազմված աշխատանքային խմբերն այցելություններ են իրականացնելու բուժհաստատություններ, դպրոցներ եւ այլ ՊՈԱԿ-ներ՝ խնդիրներին տեղում ծանոթանալու և առկա խոչընդոտները վերացնելու նպատակով։
Ցանկացած խախտմանը հաջորդելու է հստակ իրավական հետեւանք»։
Կարծիքներ