Իռլանդիան խորհրդակցություններ կսկսի երկրի ռազմական չեզոքության վերաբերյալ
Հինգշաբթի օրը Կորկ քաղաքում սկսվում են հանրային խորհրդակցությունները Իռլանդիայի երկարամյա ռազմական չեզոքության վերաբերյալ: Միջոցառումը, որը պաշտոնապես կոչվում է Միջազգային անվտանգության քաղաքականության խորհրդատվական ֆորում, կներառի 18 պանելային քննարկումներ՝ նվիրված գլոբալ իրավիճակին, Իռլանդիայի դերին միջազգային ասպարեզում, առկա և առաջացող գլոբալ սպառնալիքներին:
Ի թիվս այլ բաների, ծրագրված քննարկումները պետք է օգնեն ձևավորել Իռլանդիայի ապագա ՆԱՏՕ-ի քաղաքականությունը և ԵՄ ընդհանուր անվտանգության քաղաքականությանը Դուբլինի մասնակցության սկզբունքները: Ապրիլին համաժողովն անցկացնելու մտադրության մասին Իռլանդիայի արտաքին գործերի և պաշտպանության նախարար Միխոլ Մարտինն ընդգծել է, որ ներկայիս կառավարությունը չի նախատեսում «փոխել Իռլանդիայի ռազմական չեզոքության քաղաքականությունը» կամ բարձրացնել երկրի՝ Հյուսիսատլանտյան դաշինք մտնելու հարցը, սակայն համոզված է, որ Դուբլինը չի կարող հավատարիմ մնալ մեկուսացման քաղաքականությանը, հատկապես Ուկրաինայում շարունակվող հակամարտության ֆոնին։
Կարծիքներ