ՄԱԿ-ը համաշխարհային հանրությանը կոչ է արել 97 մլն դոլար հատկացնել Հայաստանում բռնի տեղահանվածների կարիքների համար

ՄԱԿ-ը համաշխարհային հանրությանը կոչ է արել 97 մլն դոլար հատկացնել Հայաստանում փախստականների կարիքների համար։

Մարդասիրական ծրագիրը հաշվարկված է մինչև 2024 թվականի մարտի վերջ, հայտնել են ՄԱԿ-ի փախստականների հարցերով գերագույն հանձնակատարի Ժնևի կենտրոնակայանում։

ՄԱԿ ՓՀԳԳՀ-ն ՄԱԿ-ի գործակալությունների և գործընկեր ոչ կառավարական կազմակերպությունների հետ միասին պահանջում է 97 միլիոն դոլար հատկացնել փախստականներին և նրանց առատաձեռնորեն Հայաստանում հյուրընկալողներին շտապ հումանիտար օգնություն և պաշտպանություն տրամադրելու համար»,- ասվում է հայտարարության մեջ։

Շտապ օգնության ծրագիրը ներառում է 60 գործընկեր, այդ թվում՝ 43 ազգային ոչ կառավարական կազմակերպությունների համատեղ գործողություններ՝ աջակցելու Հայաստանի 136 հազար փախստականների և փախստականներ ընդունող տեղական համայնքների 95 հազար բնակիչների։