Լեհաստանում ճանապարհատրանսպորտային պատահարի պատճառով ճանապարհի վրա տանկեր են այրվել. տեսանյութ
Լեհաստանի հյուսիս-արևմուտքում՝ Շցեցին քաղաքի մոտակայքում, տեղի է ունեցել ճանապարհատրանսպորտային պատահար, որի հետևանքով 2 տանկ է այրվել: Այս մասին հայտնում է Wszczecinie հրատարակությունը:
Նշվում է, որ ճանապարհի վրա բախվել են 2 քարշակ մեքենա և պլատֆորմներ, որոնք մարտական տանկեր էին տեղափոխում: Հրդեհ է բռնկվել, որը տարածվել է ռազմական տեխնիկայի վրա:
Մի քանի պայթյուն է հնչել: Ինչպես վթարի վայր ժամանած փրկարարներն են տեղեկացրել, պայթել են մեքենաների անիվները, տանկերն առանց զինամթերքի են եղել: Ոչ ոք չի տուժել:
«Այս միջադեպի հետևանքով մայրուղու երթևեկությունը արգելափակվել է: Հրդեհը մարելուց հետո երկու բեռնատարի վարորդները որոշել են դիմել հիվանդանոց՝ ախտորոշման համար»,-պատմել է հրշեջը:
Կարծիքներ