Վահան Քերոբյանն այցելել է բելառուսական ազգային բիոտեխնոլոգիական կորպորացիա
Աշխատանքային այցով Բելառուսում գտնվող էկոնոմիկայի նախարար Վահան Քերոբյանն այցելել է բելառուսական ազգային բիոտեխնոլոգիական կորպորացիա:
Նախարարը գրառում է կատարել Ֆեյսբուքում.
«Հաջորդ կանգառը բելառուսական ազգային բիոտեխնոլոգիական կորպորացիան էր, որի տարածքում տեղակայված առանձին հոսքագծերով աշխատող երեք տեսակի գործարաններում թողարկվում են գյուղատնտեսական կենդանիների կերակրման և սպառողական մեծ արժեք ունեցող ձկնատեսակների բուծման համար նախատեսված համակցված կերեր։
Ծանոթացանք նաև հացահատիկային կուլտուրաների մշակումն ապահովող արտադրական ցիկլին և ապրանքատեսականու թողարկման գործընթացի էլէկտրոնային կառավարման համակարգին։
Արտադրանքը համապատասխանում է ԵԱՏՄ շրջանակներում ընդունված չափանիշներին և անխոչընդոտ կարող է առաքվել նաև ՀՀ»,- նշված է գրառման մեջ:
Կարծիքներ