Լոռու մարզի Գարգառ գյուղում անասնագոմի տանիք է այրվել
Լոռու մարզային ճգնաժամային կառավարման կենտրոնն ապրիլի 26-ին, ժամը 16:34-ին ահազանգ է ստացել, որ Գարգառ գյուղում այրվում է անասնագոմ։
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է 1-ին փողոցի տներից մեկի մոտակա անասնագոմում։
Նշվում է, որ հրդեհը մեկուսացվել է ժամը 17։03-ին, մարվել՝ 17։34-ին։ Այրվել է անասնագոմի տանիքը (30 քմ)։
Կարծիքներ