Մասկը չի բացառել, որ Մարսի նվաճումը մարդկային զոհեր կպահանջի
SpaceX և Tesla ընկերությունների ղեկավար Իլոն Մասկը չի բացառել, որ Մարսի նվաճումը մարդկային զոհեր կպահանջի: Նա նաև նշել է, որ Կարմիր մոլորակը նվաճելու կմեկնեն միայն կամավորները:
«Անկեղծ ասած, մի խումբ մարդիկ սկզբում, հավանաբար, այնտեղ կմեռնեն: Հեշտ չէ այնտեղ հասնելը»,- Մասկի խոսքերն է մեջբերում CNN- ը: SpaceX- ի հիմնադիրն ընդգծել է նաև, որ ընկերությունը ոչ մեկին չի ստիպում ուղևորվել Մարս՝ այն նվաճելու: «Միայն կամավորները», – նշել է Մասկը ծիծաղելով:
«Դա ծանր ու վտանգավոր ճանապարհորդություն է, որից կարող եք ողջ չվերադառնալ, սակայն դա հիասքանչ արկած է: Գայթակղիչ է հնչում: Սա Մարսի գովազդն է»,- կատակել է Մասկը: Նշել է նաև, որ հազարավոր, եթե ոչ միլիոնավոր կամավորներ պատրաստ են նման արկածախնդրության:
Ավելի վաղ Մասկն ասել էր, որ մարդկությունը պետք է ձգտի վերադառնալ Լուսին և այնտեղ մշտական բազա ստեղծել, իսկ հետագայում` քաղաք կառուցել Մարսի վրա:
Կարծիքներ