Reuters․ Թուրքիայում իշխանությունն ամեն կերպ կպայքարի հաջորդ ընտրություններում չպարտվելու համար

Բրիտանական «Reuters» լրատվական գործակալությունը հերթական վերլուծական հոդվածն է հրապարակել Թուրքիայի տնտեսական ոլորտում գրանցվող զարգացումների և կառավարության քայլերի վերաբերյալ։ Այս մասին տեղեկացնում է ermenihaber.am-ը։

Ըստ վերլուծության՝ Թուրքիայի նախագահ Ռեջեփ Թայիփ Էրդողանը կանխատեսում է, որ կառավարության նոր տնտեսական ծրագրով երկրում ձմռանը գրանցված արժութային ճգնաժամի հետևանքներն ամռան ամիսներին արդեն կմնան անցյալում, երբ զբոսաշրջային ոլորտի եկամուտները կսկսեն ակնհայտ դառնալ։

Շեշտվում է, որ Թայիփ Էրդողանի՝ տնտեսությունը դժվար ձմռանից փրկելու պլանում կարճաժամկետ ազդակները դրական են, սակայն ընդդիմության և առաջատար ակադեմիկոսների համաձայն՝ այն երկարաժամկետ հեռանկարում չի արդարացնի իրեն։

Ըստ հոդվածի՝ չնայած Թուրքիայի տնտեսության կառավարիչները հայտարարել են, որ միանիշ գնաճով են մուտք գործելու 2023 թվական՝ սոցհարցումները, սակայն, ցույց են տալիս, որ շուրջ 20 տարի իշխանության ղեկին գտնվող Էրդողանի համար իշխանությունն ամեն կերպ պայքարելու է, որպեսզի տանուլ չտա հաջորդ ընտրություններում։