Այս ողբերգական իրադարձությունը, որը խլեց մարդկային 16 կյանք, ցնցել է բոլորիս. ԱԻՆ-ն ամփոփել է «Սուրմալու»-ի աշխատանքը
«Սուրմալու» առևտրի կենտրոնում հրդեհաշիջման և որոնողափրկարարական աշխատանքներին հերթափոխերով մասնակցել են ՓԾ տարածքային և կառուցվածքային ստորաբաժանումներից 1133 փրկարարական ծառայող։
Արտակարգ իրավիճակների նախարարությունն ամփոփել է «Սուրմալու» առտևրի կենտրոնում իրականացրած աշխատանքները:
«Այս ողբերգական իրադարձությունը, որը խլեց մարդկային 16 կյանք, ցնցել է մեզ բոլորիս։ Մեր ամենօրյա աշխատանքով, մեր ապրելակերպով պետք է շտկենք և վեր հանեք բոլոր այն խնդիրներն ու բացթողումները, որոնք հանգեցրին այս ցավալի հանգրվանին։
Ուզում եմ շնորհակալություն հայտնել բոլոր այն մարկանց, ովքեր այս դժվար օրերին մեր կողքին էին և ուժ, համբերություն զոհված քաղաքացիների ընտանիքներին»,-ասել է ԱԻ նախարար Արմեն Փամբուխչյանը։
Կարծիքներ