Լիբանանի նախագահը խոստանում է իշխանությունը փոխանցել ժողովրդի վստահությունը վայելող թեկնածուին

Լիբանանի նախագահ Միշել Աունը երկուշաբթի օրը հայտարարել է, որ չի պատրաստվում լքել իր պաշտոնը և պաշտոնավարելու է մինչև 2022 թվականի հոկտեմբերի 31-ը, երբ լրանում է իր լիազորությունների ժամկետը։ 

 ՏԱՍՍ-ի հաղորդմամբ՝ Քաթարական Al Raya թերթին տված հարցազրույցում  պետության ղեկավարն ընդգծել է, որ թույլ չի տա քաղաքական վակուում։ «Իշխանությունը կփոխանցեմ այն ​​թեկնածուին, ով վայելում է ժողովրդական վստահությունը և կարող է համախմբել, ոչ թե մարդկանց տարանջատել»,- ասել է նա։

Աունի խոսքով, իր իրավահաջորդը պետք է հույսը դնի երկրի միապալատ խորհրդարանում տպավորիչ աջակցության վրա և ունենա անհրաժեշտ որակներ՝ իրեն վստահված պետության ղեկավարի գործառույթները կատարելու համար։ Նախագահն ասել է, որ կշարունակի պաշտոնավարել սահմանված ժամկետից հետո միայն այն դեպքում, եթե Լիբանանի Պատգամավորների պալատը կողմ քվեարկի նման որոշմանը։

Աունն իր հրաժարականի մասին ընդդիմության վերջին կոչերը անվանել է պոպուլիստական ​​և անպատասխանատու: «Եթե այդ մարդիկ տեղյակ լինեին այն իրավիճակի ամբողջական վտանգի մասին, որում գտնվում է Լիբանանը, նրանք կհրաժարվեին նման կարգախոսներից»,- ասել է նա։